منتدى ابناء قرية عبدالرحمن
مرحب بكم فى منتدى أبناء قرية عبدالرحمن

في السلك || بورت لويس موريشيوص كديس

استعرض الموضوع السابق استعرض الموضوع التالي اذهب الى الأسفل

في السلك || بورت لويس موريشيوص كديس

مُساهمة من طرف المدير العام في الإثنين فبراير 20, 2017 2:42 pm

الإثنين، 20 فبراير 2017 5:10 مساءً

الكاتب: بابكر سلك

* اسي ده اسم فريق ولا غلوطية ??
* زي دخل القش وما قال كش
* سخلي وسخلك دخلو السلخانة سخلي سلخ سخلك يقدر سخلك يسلخ سخلي زي ما سخلي سلخ سخلك
* سخلي دي ممكن تقولها بسرعة عشرة مرات
* لكن ما اظن في زول بقدر يقول بورت لويس موريشيوص كديس مرة واحده صاح
* بتجيبوا الفرق دي من وين يا محمد عبد الماجد !
* ما علينا
* نعود لمباراتنا ضد الغيني
* عظمة الجمهور اعلنت عن نفسها
* ويا جمال وروعة المشهد المعبر حينما عانق مونس الجوارح واحتضن الجوارح مونس
* ويا لدهشة المشهد حينما عانق الساساب مونس
* ويا لروعة الانصهار حد الانبهار وسط الشفوت
* جمهور جميل وواعي ومبدع وخلاق ويعرف كيف يعبر عن مايريد
* جماهير المريخ سيدة و جمالها فريد
* خلقوها زي ما تريد
* و غيرنا يقلد وبس
* اذا هتفنا مريخ… .مانديلا
* بكرة نسمع هتاف تقليد من الجانب الآخر
* هناي… .مانديلا
* جمهور المريخ عموما
* جمهور المساطب الشعبية وشاخور شرقية لوحة ابداعية
* قيمة حماسية
* وقفة قوية
* و طموح عال
* ونعيب علي رواد الجانبيات الغيابات افريقيا
* خاص صفحة الأحمر الوهاج
* وبالطريقة دي مابنسوقكم معانا المطار
* تقعدوا زي الاصفار ما تشموا ريحة المطار
* والعايز يمشي المطار يسجل حضور داخل الاستاد لا من خلال القروبات او من خلف الكي بورد
* شرف لا يضاهيه شرف حينما تكون احد اسباب النصر
* لان وجودنا علي المدرجات يدعم الكيان
* مجرد نفسنا يعتبر دعم للاعبين
* دي فاتت
* بتاعت جيبوتي فاتت
* ولكن لن تغفر لكم غياباتكم يا رواد الجانبيات في الجايات
* نريد مقاتلين لا مجرد منتمين
* ولكن لوحة الشفوت الجماهيرية تظل دوما حدثا مدهشا و حديثا رائجا
* وهل ننسي توجية اعلام الجزائر لجماهيره ان تتعلم من جمهور المريخ !
* وهل ننسي تصوير لاعبو اتحاد الجزائر ووفاق سطيف لجمهور المريخ ???
* انها الدهشة
* ايها الناس
* جمهور كهذا لا يعرف الانقسام ولا الانشقاق
* وما يدور من ارهاصات في قطاع الجماهير يجب ان لايشغل الجماهير المبدعة عن ابداعها في تشجيع الزعيم
* نحتاج لمزيد من الحب
* لنرسم لوحة ادهشتنا عند عناق اولمبيوس والجوارح
* وسرتنا حين زحف انصار ساس بجحافلهم وراياتهم نحو مواقع القتال الامامية الخاصة بمونس
* دعونا نحب بعضنا لنمارس العشق النبيل
* وهل هناك عشق انبل من حب الزعيم ???
* المهم
* الكسكتاب زعلانين من قون بكري الاول
* قون مزج فيهو بكري بين الاسكروا واللوب
* خاص صفحة الأحمر الوهاج
* ختاها محل برك الطير
* القون ده واجعهم شديد
* لدرجة انهم هربوا من الحديث عنه بالغلاط
* الرابع جابو ضفر ولا بكري ??
* لو ضفر خلاها كان خشت ولا كانت دقت في الحديدة ?
* اقعدوا يا روشا ابحثوا عن الجاب القون الرابع ضفر ولا بكري لمن تلقوا روحكم في المحاولة رقم تسعين للخروج من الصفر الكبير
* بورت كديس سخل شنو ???
* ايها الناس
* اكتب قبل لقاء الصفراب بالارباباب
* تحكيم جدير ولافاني كيسو يطير
* ولا اعتقد ان شندي تحتاج لمستشفي ولادة
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* المنهج ده لي قدام مابودينا
* كنا اكثر الشعوب ثقافة يا والينا
* لانو منهجنا زينة وكان بودينا
* ليه مسكننا والدنيا من حولنا و البحر من خلفنا يا والينا ?
* ليه سطر علوم وسطر تاريخ و الجغرافيا ضمير بستتر علينا ??
* لا الطالب عارف شنو الهدف من المادة يا والينا
* ولا امو البتراجع معاهو فاهمة شئ عشان تقريهو لينا
* كلامه كلو بري… بري جنس ده ما قرينا
* خاص صفحة الأحمر الوهاج
سلك كهرباء
** ﻧﻨﺴﺎﻙ ﻛﻴﻒ والكلب قال حليل بلد البت والولد البقت بلد لبع لغف لبد ؟!!!!
avatar
المدير العام
Admin

عدد المساهمات : 250
تاريخ التسجيل : 10/11/2011

http://abdelrahmanvil.ahlamontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى